‘ஜோஷ்வா இமை போல் காக்க’ படத்தின் டிரைலர் வெளியானது!

கவுதம் வாசுதேவ் மேனன் இயக்கத்தில், வருண் நடித்துள்ள படம் ‘ஜோஷ்வா இமை போல் காக்க’. இதில் கிருஷ்ணா, ராஹி, யோகி பாபு, மன்சூர் அலிகான், விசித்ரா, திவ்யதர்ஷினி உள்ளிட்ட பலர் நடித்துள்ளனர். வேல்ஸ் பிலிம்ஸ் இன்டர்நேஷனல் நிறுவனம் தயாரித்துள்ள இந்த படத்தின் படப்பிடிப்பு கடந்த 2019-ம் ஆண்டு முடிந்தது. ஆனால், தவிர்க்க முடியாத சில காரணங்களால் ரிலீஸ் ஆகவில்லை. இந்நிலையில் இந்த திரைப்படம் அடுத்த மாதம் 1ம் தேதி திரையரங்குகளில் வெளியாகும் என படக்குழு அறிவித்திருந்தது. இந்நிலையில் இந்த படத்தின் டிரைலர் தற்போது வெளியாகி சமூக வலைத்தளங்களில் வைரலாகி வருகிறது.