கடந்த 2019-ம் ஆண்டு பிரபாஸ் நடிப்பில் வெளியான ‘சாஹோ’ (Saaho) படத்தை இயக்கியவர் சுஜீத். இவர் இயக்கத்தில் பவன் கல்யாண் நடிப்பில் அடுத்ததாக திரைக்கு வர உள்ள படம் ‘ஓஜி’. இந்தப் படத்தில் கோலிவுட், பாலிவுட்டைச் சேர்ந்த நடிகர்கள் பலர் நடிப்பதால், இப்படத்திற்கான எதிர்பார்ப்பு மேலும் அதிகரித்துள்ளது. இதில் இம்ரான் ஹாஷ்மி, அர்ஜுன் தாஸ், ப்ரியங்கா மோகன், பிரகாஷ் ராஜ், ஸ்ரேயா ரெட்டி, ஹரீஷ் உத்தமன் உள்ளிட்ட பலர் முக்கிய கதாபாத்திரத்தில் நடித்துள்ளனர்.
ரூ.250 கோடி பட்ஜெட்டில் பிரமாண்டமாக உருவாகி வரும் இப்படத்திற்கு தமன் இசையமைத்துள்ளார். ரவி கே சந்திரன் ஒளிப்பதிவு செய்துள்ளார். இந்நிலையில் இப்படம் வரும் செப்டம்பர் 27-ம் தேதி திரையரங்குகளில் வெளியாகும் என அறிவிக்கப்பட்டுள்ளது. பவன் கல்யாண் நடிப்பில் அண்மையில் வெளியான ‘ப்ரோ’ படம் பெரிய அளவில் வரவேற்பை பெறவில்லை என்பது குறிப்பிடத்தக்கது.
