பீப்பிள் மீடியா பேக்டரி தயாரிப்பில் கார்த்திக் யோகி இயக்கத்தில் சந்தானம் நடிப்பில் உருவாகும் படம் ”’வடக்குப்பட்டி ராமசாமி’. ஷான் ரோல்டன் இசையமைக்கும் இந்த படத்தில் மேகா ஆகாஷ், ஜான் விஜய், எம்.எஸ்.பாஸ்கர், ரவி மரியா, மாறன், மொட்ட ராஜேந்திரன், நிழல்கள் ரவி, சேஷு, இட் ஈஸ் பிரசாந்த், ஜாக்குலின் மற்றும் பலர் நடித்துள்ளனர். இந்த திரைப்படம் பிப்ரவரி 2-ம் தேதியன்று வெளியாகிறது.
இந்த படத்தின் டிரைலர் இன்று (வியாழன்) மாலை 5 மணிக்கு வெளியாகும் என படக்குழு நேற்று வீடியோ வெளியிட்டு அறிவித்திருந்தது. ஆனால் அறிவித்தபடி இன்று டிரைலர் வெளியாகவில்லை. இதனால் ரசிகர்கள் ஏமாற்றம் அடைந்தனர்.
இந்நிலையில் ரசிகர்களிடம் மன்னிப்பு கேட்டு நடிகர் சந்தானம் தனது எக்ஸ் வலைதள பக்கத்தில் பதிவிட்டுள்ளார். அவர் அந்த பதிவில், ”வடக்குப்பட்டி ராமசாமி’ படத்தின் டிரைலருடன் மேலும் பல சிலிர்ப்பூட்டும் அப்டேட்டுகளுக்காக காத்திருங்கள். தாமதம் மதிப்புக்குரியது, மேலும் இந்த சிரமத்திற்கு நாங்கள் மன்னிப்பு கேட்டுக்கொள்கிறோம். உற்சாகம் வந்து கொண்டிருக்கிறது – பெரிய வெளியீட்டிற்கு தயாராகுங்கள்!’ என்று பதிவிடுள்ளார்.
