மணிரத்னம் இயக்கிய இருவர், குரு, ராவணன், பொன்னியின் செல்வன் மற்றும் சங்கரின் ஜீன்ஸ் உள்ளிட்ட பல படங்களில் நடித்தவர் பாலிவுட் நடிகை ஐஸ்வர்யா ராய். இந்நிலையில் நாயகன் படத்தை அடுத்து மீண்டும் கமலை வைத்து மணிரத்னம் இயக்கும் 'தக்லைப்' படத்திலும் ஐஸ்வர்யா ராய் நடிக்கப்போவதாக ஒரு தகவல் வெளியாகி இருக்கிறது.
இந்த படத்தில் கமலுடன், திரிஷா, ஜெயம் ரவி, துல்கர் சல்மான், கவுதம் கார்த்திக், ஜோஜூ ஜார்ஜ் உள்ளிட்ட பலர் நடிப்பதாக அறிவிக்கப்பட்டுள்ள நிலையில், அடுத்து ஐஸ்வர்யா ராயின் பெயரும் அறிவிக்கப்பட உள்ளது. அப்படி இந்த படத்தில் அவர் இணைந்தால் கமலுக்கு ஜோடியாக ஐஸ்வர்யாராய் நடிக்கும் முதல் படம் இதுவாக இருக்கும். மேலும், இந்த படத்தில் ஏற்கனவே கமிட்டாகியுள்ள திரிஷா, ஜெயம் ரவிக்கு ஜோடியாக நடிக்க இருப்பதாகவும் கூறப்படுகிறது.
