பிரைம்ஷோ என்டர்டெயின்மென்ட் தயாரிப்பில், இயக்குநர் பிரசாந்த் வர்மா இயக்கத்தில், நடிகர் தேஜா சஜ்ஜா நடிப்பில், பிரம்மாண்ட பான் இந்தியப் படமாக உருவாகியுள்ள திரைப்படம் ஹனுமான்.
இப்படத்தில் தேஜா சஜ்ஜாவுக்கு ஜோடியாக அம்ரிதா ஐயர் கதாநாயகியாக நடிக்கிறார், இப்படத்தில் வினய் ராய் வில்லனாகவும், வரலட்சுமி சரத்குமார் முக்கிய வேடத்திலும் நடித்துள்ளனர்.
தமிழ், தெலுங்கு, கன்னடம், மலையாளம், ஹிந்தி, மராத்தி, ஆங்கிலம், ஸ்பானிஷ், கொரியன், சீனம் மற்றும் ஜப்பானியம் உள்ளிட்ட பல மொழிகளில் ஹனுமான் திரைப்படம் உலகளவில் பிரமாண்ட படைப்பாக வெளியாக உள்ளது.
பிரைம்ஷோ என்டர்டெயின்மென்ட்டின் கே. நிரஞ்சன் ரெட்டி இப்படத்தை தயாரிக்கிறார். ஸ்ரீமதி சைதன்யா வழங்குகிறார். இப்படம் பொங்கல் பண்டிகையை முன்னிட்டு வருகிற ஜன. 12-ஆம் தேதி திரைக்கு வரவுள்ளது.
இந்த நிலையில், ஹனுமான் படத்தின் ஒவ்வொரு டிக்கெட்களில் இருந்தும் தலா ரூ.5 ராமர் கோயில் அறக்கட்டளைக்கு நிதியாக வழங்க இருப்பதாக ஹனுமான் படத்தின் ப்ரீ ரீலிஸ் விழாவில் படக்குழு தெரிவித்துள்ளது.
இந்த விழாவில் ஹனுமானுக்கு மரியாதை செலுத்தும் விதமாக படக்குழுவினர் அனைவரும் காலணி அணியாமல் கலந்துகொண்டனர்.
