பராசக்தி:விமர்சனம்

கதை: 1959 ல் கதைக்களம் ஆரம்பமாகிறது. கல்லூரியில் படித்துக் கொண்டிருக்கும் செழியன் (சிவகார்த்திகேயன்) இந்தி திணிப்புக்கு எதிராக புறநானூறு படை என்ற இளைஞர் படையின் தலைவனாக இருந்து இரயில்களை மறித்து போராட்டம் பண்ணுவது, பெட்டிகளை எரித்து எதிர்ப்பை காட்டுவது என்று தமிழ் மொழிக்கு ஆதரவாக பெரும் திரளாக போராட்டத்தை வழி நடத்துகிறார். ஒரு சமயம் மதுரையில் அமைச்சர்கள் வரும் இரயிலை மறித்து போராட்டம் பண்ண திட்டமிடுகின்றனர். அந்த இரயிலில் காவல் அதிகாரி திரு(ரவிமோகன்) பயணம் செய்ய, போராட்டக்காரர்கள் சூழ்ந்து கொள்ள, அவர்களை தடுக்க முடியாமல் அமைச்சர்களை மட்டும் காப்பாற்றும் திருவினால் செழியனின் நண்பன் அந்த போராட்டத்தில் உயிரிழக்கிறார். இந்த சம்பவத்தால் காவல் அதிகாரி திருவின் கைவிரல்கள் பாதிக்கப்பட, அதனுடன் உயர் அதிகாரிகளால் அவமானப்படுத்தப்பட்டு வேலை மாற்றம் செய்யப்படுகிறார். பெரும் கோபத்தில் இருக்கும் திரு, செழியனை பழி வாங்க நினைக்கிறார். அதே சமயம் இதே சம்பவத்தால் நண்பனின் மரணத்தால் பாதிக்கப்பட்டு மனஉளைச்சலில் சிக்கித் தவிக்கும் செழியன் புறநானூறு படையை விட்டு விலகி படிப்பில் கவனம் செலுத்துகிறார். அந்த நேரத்தில் பிரதமர் ஜவஹர்லால் நேரு 1965 வரை இந்தி மொழியை திணிக்க மாட்டோம், அவரவர் தாய் மொழியிலே அலுவல்கள் மேற்கொள்ளலாம் இணைப்பு மொழியாக ஆங்கிலம் இருக்கும் என்று வாய் மொழி உத்தரவு பிறப்பிக்கிறார். அது முதல் இந்தி திணிப்பு போராட்டங்கள் வெகுவாக குறைந்து காணப்பட்டன. காலங்கள் உருண்டோட திடீரென இரயில்வேயில் வேலை செய்யும் தந்தை இறக்க செழியனுக்கு இரயில்வேயில் எஞ்சினில் நிலக்கரி அள்ளி நிரப்பும் வேலை கிடைக்க செழியன் இந்தி எதிர்ப்பு பக்கம் செல்லாமல் வேலையில் கவனம் செலுத்த ஆரம்பிக்கிறார். இந்த வருமானத்தில் தம்பி சின்னதுரையை (அதர்வா) படிக்க வைக்கிறார். பாட்டியின் அரவணைப்பில் சகோதரர்கள் இருவரும் பாசத்துடன் வளர்கிறார்கள். இந்நிலையில் செழியன் உயர் பதவிக்காக இந்தி படிக்க வேண்டும் என்ற கட்டாயம் ஏற்பட, எதிர் வீட்டில் இருக்கும் அமைச்சரின் மகள் வானொலி நிலையத்தில் பணியாற்றும் தெலுங்கு பெண் ரத்னமாலா (ஸ்ரீலீலா)விடம் பாடம் கற்கிறார். ரத்னமாலா செழியனின் தம்பி கல்லூரி மாணவனான சின்னதுரையுடன் சேர்ந்து இந்தி திணிப்புக்கு எதிராக போராட்டங்களில் கலந்து கொள்பவர். கல்லூரி மாணவனான சின்னதுரை வெளியே தெரியாமல் இந்தி எதிர்ப்பு போராட்டத்தில் கலந்துகொள்ள ஒரு கட்டத்தில் சின்னதுரையின் செயல்பாடுகளை செழியன் கண்டுபிடித்து எதிர்ப்பும் தெரிவிக்கிறார். அதர்வா தன்னுடைய கொள்கையில் தீவிரமாக இருக்க தம்பியின் காலை உடைத்து வீட்டிலேயே முடங்க செய்து விடுகிறார். காவல் அதிகாரி திரு மத்திய அரசிடமிருந்து சிறப்பு அதிகாரம் பெற்று மாணவர் படையை அடக்க தமிழ்நாட்டிற்கு வந்து மாநில அரசின் ஒத்துழைப்போடு களமிறங்கி தேவைப்பட்டால் சுடுவதற்கும் ஒப்புதல் பெறுகிறார். 1964 ஆம் ஆண்டு பிரதமர் ஜவஹர்லால் நேரு இறக்க, மொழி பிரச்சனை அரசியலமைப்பு சட்ட மாற்றங்களில் இடம் பெறாததால் 1965 ஆம் ஆண்டு மீண்டும் இந்தி திணிப்பு அமல்படுத்தப்படும் என்ற சூழ்நிலையில் பிற மொழி மாநிலங்களில் போராட்டம் விஸ்வரூபமெடுக்கிறது. இந்நிலையில் செழியன் பதவி உயர்விற்காக நேர்காணலுக்கு செல்ல, அங்கே இந்தி ஒரளவு தெரிந்திருந்தும், சரளமாக பேச,எழுத வேண்டும் என்று காரணம் சொல்லி நிராகரிக்கப்படுகிறார். இதனால் விரக்தியில் வெளியே வரும் போது இரயில் சினேகிதர் ஒருவர் மொழி பிரச்சனையில் வேலை கிடைக்காமல் தீக்குளித்து இறக்கிறார்.இதே சமயம் மதுரையில் நடக்கும் ஒரு விழாவில் இந்திக்கு ஆதரவாக முதலமைச்சர் கலந்து கொள்ளும் நிகழ்ச்சியில் கருப்புக் கொடி காட்டுவது என்று சின்னதுரை தலைமையில் மாணவர் படையினர் திட்டமிட இந்த போராட்டத்தை அடக்க காவல் அதிகாரி திரு களம் இறங்குகிறார். செழியன் கண்ணெதிரே தம்பி சின்னதுரையை காவல் அதிகாரி திரு சுட்டு கொன்று விட்டு, செழியனையும் கைது செய்து எஃப் ஐ ஆர் போடாமல் அவரை துன்புறுத்துகிறார். இந்திக்கு எதிராக மீண்டும் போராட ‘புறநானூறு படை’யின் போராட்டங்கள் தீவிரமடைகின்றது. சிறையிலிருந்து ஒரு நல்ல காவலர் உதவி செய்ய செழியன் தப்பித்து டெல்லிக்கு சென்று வட மாநிலத்தில் இயங்கும் புறநானூறு படை உதவியுடன் மீண்டும் களத்தில் இறங்கி அப்போதைய பிரதமர் இந்திரா காந்தியின் கவனத்தை ஈர்த்து அவரின் தந்தை ஜவஹர்லால் நேருவின் வாய் மொழி உத்தரவை காப்பாற்றுமாறு போராட்டத்தை நடத்துகிறார். அந்த போராட்டத்தில் பிரதமரின் முன் கோவை விஜயத்தின் போது இந்தி திணிப்புக்கு எதிராக மக்கள் ஆதரவாக இருப்பதை கையெழுத்து பதிவுகள் மூலமும் மாணவர்களின் எழுச்சியை நிரூபிப்பதாக செழியன் கூறுகிறார். அதன் பின் மதுரைக்கு வரும் செழியன் அதற்கான ஏற்பாடுகளை செய்து அனைவரும் பொள்ளாச்சியில் ஒன்று கூடி தென் மாநிலங்களிலிருக்கும் புறநானூறு மாணவ படைகளை ஒண்றினைத்து இந்தி திணிப்புக்கு எதிரான பிரச்சார போஸ்டர்கள், கருப்பு கொடி காட்டவும் அங்கிருந்து கோவை செல்ல திட்டமிடுகின்றனர். இதனிடையே பிரதமர் வரும் போது பாதுகாப்பு ஏற்பாடுகளை செய்ய வரும் திரு, மாணவர் படையின் திட்டங்களை முன் கூட்டியே அறிந்து மத்திய அரசு படைகளை வரவழைக்கிறார். பொள்ளாச்சியிலிருந்து போலீசிற்கு தெரியாமல் போராட்டத்தில் ஈடுபட இருக்கும் அனைவரும் கோவைக்கு தப்பிச் சென்றனரா? இறுதியில் திருவால் கோவையில் நடக்கும் மாணவர் பேரணியை தடுக்க முடிந்ததா? பிரதமர் வருகையின் போது செழியனால் இந்தி திணிப்பு எதிர்ப்பை ஒற்றுமையுடன் நடத்தி காட்ட முடிந்ததா? அரசு அவிழ்த்துவிட்ட அடக்கு முறை – துப்பாக்கிச் சூடுகள் காரணமாக அமைதியாகத் தொடங்கிய மாணவரின் அறப்போர் எரிமலையாக வெடித்திட்டதா? இறுதியில் இந்தி திணிப்புக்கு எதிராக அமலாக்கும் சட்டம் இயற்றப்பட்டதா? இதற்கான அடித்தளம் வித்தட்ட அரசியல் தலைவர்களின் பங்களிப்பு என்ன? என்பதே படத்தின் உண்மை கலந்த சித்தரிக்கப்பட்ட மீதிக்கதை.