கவுண்டமணி , யோகி பாபு ஆகியோர் இணைந்து நடிக்கும் “ஒத்த ஓட்டு முத்தையா”  படத்தின்  புதிய அப்டேட்.

Cine craft productions தயாரிப்பில் சாய் ராஜகோபால் இயக்கத்தில் கதையின் நாயகனாக கவுண்டமணி மற்றும் யோகி பாபு நடிக்கும் படம் “ஒத்த ஓட்டு முத்தையா”. இதில் சித்ரா லட்சுமணன், மொட்டை ராஜேந்திரன், ரவிமரியா, ஓ. ஏ. கே. சுந்தர், C.ரங்கநாதன், வையாபுரி, முத்துக் காளை, பயில்வான் ரங்கநாதன், டாக்டர் காயத்ரி, லேகா ஶ்ரீ, சென்றாயன், கூல் சுரேஷ், சதீஷ் மோகன், காதல் சுகுமார், சிசர் மனோகர், ஆதேஷ் பாலா, மங்கி ரவி, பெஞ்சமின், கொட்டாச்சி, விஜய கணேஷ், “லொள்ளு”பழனியப்பன், நளினி சாமிநாதன், மணவை பொன் மாணிக்கம், பத்மநாபன், குணாஜி உள்பட பலர் நடித்துள்ளனர்.

அரசியலில் ஏற்படும் பிரச்சனைகளையும், குடும்பத்தில் ஏற்படும் பிரச்சனைகளையும் எப்படி சாமார்தியமாக சமாளிக்கிறார் கவுண்டமணி என்பதை குடும்பத்துடன் கண்டுகளிக்கும் வகையில் முழு நீள நகைச்சுவை திரைப்படமாக இயக்கியுள்ளாராம் படத்தின் இயக்குனர் சாய் ராஜகோபால்.

கடந்த மூன்று மாதங்களாக பரபரப்பாக நடந்து வந்த இப்படதின் படப்பிடிப்பு இன்று இனிதே நிறைவடைந்துள்ளது. இப்படம் கோடை விடுமுறையில் வெளியிட திட்டமிடப்பட்டுள்ளதாக படக்குழு தெரிவித்துள்ளது.